Cañeteren hezkuntza teoria "iraultzaile"

Zaialagoa da emakume batekin eztabaidatzea? Zergatik? Ez al dakigu emakumeok gure argudioak erabiltzen? Ala argudiorik ez dugu?

Kontsiderazio hutsa Cañete jaunarena, dena egin zuen, ez azaleratzeko ez dituen pentsamendu matxistak. Bera matxista? Bai, zera…

Suposatzen dut teoria horri jarraituz oso zaila dela haur batekin eztabaidatzea, hobe da beti irabazten uztea, mugak ez jartzea,  gaixua ohartu ez dadin ez dela mailara iristen. Ekitatea, berdintasuna, inklusibotasuna, bahh  hezkuntza teoria zaharrak dira.

Cañeteren teoria berri honekin hasi naiz ulertzen hezkuntza segregatua.  Irakasleontzat oso zaila izanen da dakitena transmititzea, akaso mutilekin posible da, matxoteak ez dira gutxiago sentituko, baina neskatoek…ez dute ulertuko, ez dute gaitasun nahikorik beraien gutxiagotasuna onartzeko. Txikitan etxean amatxoek irakatsiko diete “zerbait “beraien seme alabei gero eskolak bukatu ahal izateko doktrinamendu lana, eta behin eskolan hobe banatzea,bai.  Neskak ez ohartzeko ez direla heltzen mutilen mailetara eta mutilek konplexurik gabe garatuko dute bere inteligentzia gorena.

Cañeteren teoria, bere miseria propioak estaltzeko ona, baina …  kurioso bada ere gure ikastetxeetan, anitzetan, neskek lortzen dituzte emaitza hobeak. "Kontsiderazioaz" irakasleok oparitutakoak, zalantzarik ez.

Irakasleen gehiegizko soldata. PPren amu irenstezina.

PPk anitzetan hitz egiten du irakasleen errekonozimenduaz, funtzeskoak omen arrakastarako,  irakasle  bihurtu du autoritate publikoa … asko mintzatu bai, sinetsi batere ez.

Krisia dela eta, jasangarritasunaren izenean, aurrezteko neurriak ezarri izan zituzten. Gero eta ardura gehiago, gai gehiago gelan jorratu behar, arloa zein den berdin izanik, kanpoko hizkuntzak ezinbestekoak, teknologi berriak ere bide beretsutik. Ikasleekin zuzenean ematen diren orduak  lan orduak direla ikustarazi dute. Irakasleek ez dute  koordinazioarako astirik behar, ez berrikuntzik , ez formaziorik, soilik, zientzia infusatik gauzatu behar Espiritu Santuak diona.

Hezkunta kalitate hobetzeko asmatu dute lege bat tokiz tokiko emaitzak eta beharrak kontuan hartzen ez dituena, zentralizazioa eta haustura soziala helburu duena. Gauza on bakarra ikusi dut nik LOMCEn, hezkuntza komunitatea elkartzea lortu duela hezkuntzaren alde agertzeko. 

Hori ez zaie gustatu eta orain amu berria bota du Gomendio andereak: sobera altua da irakasleen soldata. Berak bota, komunikabide batzuek zabaldu eta langileen arteko eztabaida sortu. Hurrengo murrizketa zerbitzatua dugu, beste bat, zalantza bakarra zenbatekoa izanen den oraingoa.

Modu ederra  irakasleen lana aitortzeko,hobeak bururatzen zaizkit ere.