ESAn agertu dira pitzadura berriak eta elkarteek
salatutako erabateko larritasunaren aurrean, izan dugu Gobernuaren ohiko
erantzuna, ohiko lasaitasuna, betiko gezurrak. Gertatutakoa “azaleko fenomenoa”
besterik ez dela dio Morrasek ez lehenagoko bezalakoa, barnealdekoa zena.
Kontrakoa dirudien arren jarraipen teknikoa handia omen da atzetik ESAko
kasuan, segurtasun handia baina … badaezpada ere, aspaldi desjabetu dituzte.
Ez dakit nik Gobernuan gertatzen ari dena, oraingo pitzadura
politikoak, azalekoak diren ala barnealdekoak. Itxuraz moldatzen saiatzen ari
diren bitartean, beste alde batera begirarazten gaituzte erranez zeinen polita
den Barzilandia. Horrek ez du funtzionatzen, dagoeneko nahiko kea irentsi dugu
eta keak ez ditu pitzadurak ixten. Ustelkeria egon da, eta okerrena da
normaltzat hartzen dutela, ez dutela argitu nahi, erosoak sentitzen baitira
bere lan egiteko modu horretan, zikinkeriaz eta gezurretan murgilduak. Gobernuaren
kasuan akaso eginak dituzte segurtasun ikerketa potoloak, eta barnekoei errana
diete lasai egoteko, baina berdin da nora begira; Hezkuntzara, Giza
Politiketara, Osasungintzara ala Osasunera….Kaosa eta iluntasuna dira nagusi.
Hauek bai azkeneko pitzadurak direla, sistema
zahar baten pitzadurak, erortzear dago Barzilandia fobiez eta gezurrez egindako
zutabeak ez baitira gai herri libre bat sostengatzeko.
No hay comentarios:
Publicar un comentario